Жетешчилер Түндүк Ливандын Триполи шаарында эски турак үйдүн кулап түшүүсүнөн каза болгондордун саны тогузга жеткенин кабарлады.

Жекшемби күнү эртең менен Триполинин Баб эль-Таббанех конушунда беш кабаттуу имарат кулаган. Окуя болгон жерде издөө-куткаруу иштери уланууда.

Ливандын Жарандык коргонуу кызматынын башкы директору Имад Хрейх журналисттерге урандылардын астынан 15 адам чыгарылып, алардын алтоо тирүү куткарылганын билдирди.

Анадолу агенттигинин маалыматына караганда, куткаруу топтору урандылардын астында калып калган деп болжолдонгон сегиз адамга жетүүгө аракет кылып жатышат.

Триполинин мэри Абдель Хамид Кариме буга чейин, кулаган имараттын кесепетинен алты адам каза болуп, жети адам жаракат алганын кабарлаган.