Палестинанын Газадагы Саламаттыкты сактоо министрлиги шейшемби күнү курчоого алынган аймакта акыркы 24 саатта кеминде 15 кишинин, анын ичинен 4 баланын жетишсиз тамактануу жана ачарчылыктан каза болгонун жарыялады.

Акыркы каза болгондор менен бирге 2023 - жылдын октябрь айынан бери жетишсиз тамактануудан улам каза болгондордун саны 101ге жетип, каза болгондордун 80и балдар.

Өткөн жумада палестиналык активисттер көчөдө ачкалыктан эс-учун жоготкон адамдар тууралуу документтерди көрсөтүштү. Газадан кабарлаган журналисттер дагы ушундай окуяларга күбө болгондорун жана өздөрү да ачкачылыктын таасирин сезип жатышкандарын ырасташты.

2-марттан бери Израиль Газага кирүүчү бардык чек араларды жаап, тамак-аш, дары-дармек жана гуманитардык жардамдын кирүүсүн токтоткон.

Газадагы Өкмөттүк Медиа Бюросунун маалыматына ылайык, 65 0000дей бала ачарчылык жана тамак-аш жетишсиздигинен өлүм коркунучу менен бетме - бет. Өзгөчө 60 000дей кош бойлуу аял тамак-аш жана негизги медициналык жардамдын жоктугунан олуттуу коркунучтарга туш болууда.

Израиль 2023-жылдын октябрь айынан бери Газа тилкесинде 59000ден ашуун палестиналыкты өлтүрдү. Алардын көпчүлүгүн аялдар менен балдар түзүүдө. Аскердик чабуул тилкени кыйратып, саламаттыкты сактоо системасын талкалап, тамак-аш тартыштыгына алып келди.