Иран парламентинин спикери Мухаммед Багер Калибаф АКШнын Иранга жаңы чабуулдарынан кийин Ормуз кысыгынын АКШнын коркутуулары менен эмес, "Ирандын макулдашуулары" менен гана ачылаарын билдирди.
Калибаф Х платформасынан : "АКШ коркутуунун жана убадаларды бузуунун мындан ары жазасыз калбай турганын али түшүнө элек. Ачык айтуу керек: Эгер кол салсаңар силерге да кол салынат", - деди.
Калибаф Вашингтонду Ормуз кысыгы тууралуу Тегеранга кысым көрсөтүүпөө боюнча эскертти.
Иран парламентинин спикери: "Ормуз кысыгы АКШнын коркутуулары менен эмес, Ирандын макулдашуулары менен гана ачылат. Курулай убара болбогула",- деп кошумчалады.
АКШ түштүк аймактарды бутага алды
Бул билдирүүлөр Ирандын маалымат каражаттарынын шаршемби күнү кечинде АКШнын Ирандын түштүк жана түштүк-чыгышындагы бир катар жерлерди бутага алган жаңы чабуулдарын жарыялагандан кийин жасалды.
Кийинчерээк АКШнын Борбордук командирлиги (CENTCOM) Америка күчтөрүнүн Ирандын Ормуз кысыгында кеме жүрүү эркиндигине коркунуч келтирүү мүмкүнчүлүгүн азайтуу максатында кошумча соккуларды жасаганын билдирди.
Ошол эле учурда Ирандын Ислам революциясынын сакчылар корпусу (ИРСК) эгер АКШнын чабуулдары кайталана турган болсо, андан да кеңири масштабда жооп кайтарыларын эскертти.
Ислам революциясынын сакчылар корпусу Вашингтон жаңы жаңы чабуулдарды жасай турган болсо, алардын жооп кайтаруусу АКШнын аймактагы башка аскердик базаларын да камтый турганын билдирди.
