Казакстандын тышкы иштер министри Көшербаев расмий иш сапары менен Астанага барган Россиянын тышкы иштер министри Лавров менен жолукту. Эки министр сүйлөшүүлөрдөн кийин басма сөз жыйынын өткөрүштү.
Көшербаев сүйлөшүүлөрдө Казакстан менен Россиянын ортосундагы карым - катнаштардын кеңири стратегиялык өнөктөшүк жана союздаштык багытында өнүгүп жатканына дагы бир жолу тастыктагандарын билдирди.
Казакстандын Тышкы иштер министри Көшөрбаев Казакстан менен Россиянын карым - катнаштарынын туруктуу өнүгүүсүндө мамлекет башчыларынын ортосундагы ишенимдүү диалогдун мааниге ээ экенине көңүлдөрдү бурду. Бул алкакта ал Казакстандын президенти Касым-Жомарт Токаевдин өткөн жылдын ноябрь айында Россияга расмий сапар менен барганын жана Россиянын президенти Владимир Путиндин да жакында Казакстанга келери пландалып жатканын айтты.
Министр Көшербаев Россиянын өлкөсүнүн негизги соода өнөктөштөрүнүн бири экенин белгилеп: "Өткөн жылдын жыйынтыгы боюнча өз ара соода жүгүртүүнүн көлөмү 27 миллиард доллардан ашты. Көптөгөн биргелешкен долбоорлор ишке ашырылууда, бул биздин өлкөлөрдүн ортосундагы жогорку экономикалык интеграцияны айгинелейт", — деди.
Ошондой эле Көшербаев орус кесиптеши менен тышкы иштер министрликтеринин ортосунда 2027-2028-жылдарга карата кызматташуу боюнча иш-чаралар планына кол коюшканын билдирди. Ал бул сүйлөшүүлөрдүн жыйынтыгы стратегиялык өнөктөштүктү жана союздаштыкты андан ары бекемдөөгө салым кошоруна ишенгенин билдирди.
Россиянын тышкы иштер министри Лавров дагы сүйлөшүүлөрдүн ар дайымкыдай эле, достук жана ишенимдүү атмосферада өткөнүн билдирди.
Учурда тарыхый этапта Россия менен Казакстандын ар тараптуу стратегиялык өнөктөштүк жана союздаштык байланыштардын байланыштырып турганын баса белгиледи. Лавров Россиянын Казакстандын соода өнөктөштөрүнүн арасында экинчи орунда турарын жана соода жүгүртүүдө чийки заттан башка товарлардын үлүшү 80 пайыздан ашканын белгилеп, бул көрсөткүч экономикалык карым - катнаштардын жогорку сапатын көрсөтөрүн айтты.
Лавров Каспий деңизи кызматташтыктын дагы бир маанилүү багыты экенин баса белгилеп: "АКШ менен Израилдин Иранга каршы эч кандай провокациясыз баштаган куралдуу агрессиясы Каспий деңизине жана анын жээк аймактарына терс таасирин тийгизип жатканы өкүүчтүү экенин айтууга мажбурбуз. Каспий аймагы тынчтык жана кызматташтык аймагы бойдон калышы керек. Ушунун негизинде, беш Каспий өлкөсү үчүн соода жана логистика үчүн маанилүү болгон Анзали портунун инфраструктурасына 18-мартта Иранга каршы коалициянын кол салуусу кабыл алынгыс",- деди.
