Россия түнү менен Киевге дрон жана ракеталык чабуул жасады. Жетекчилердин билдиргенине караганда кол салууда эки киши каза болуп, кеминде 16 киши жараланды жана борбор шаардын беш районунда өрт чыкты.
Мэр Виталий Кличконун айтымында, атып түшүрүлгөн дрон жана ракета сыныктары бир нече отурукташуу жерине келип түшүп, имараттарга зыян келтирип, көлөмү чоң өрттөрдүн чыгышына жол ачты.
Шевченковский районунда атылган буталардан түшкөн сыныктар айрым имараттардын үстүңкү кабаттарына зыян келтирип, өрттүн чыгышына себеп болду.
Дарницкийде гараждар менен бир май куючу жай өрттөндү. Соломенскийде эвакуацияланган бир имараттын чатыры күйдү. Подольский районундагы клиника дээрлик толугу менен талкаланып, Голосеевскийде дрондун сыныктары жүк ташуучу унаага келип түшкөн.
АКШдан дагы көп курал берүү убадасы берилди
Кличконун айтымында, кол салуудан эки адам каза болгон. Жаракат алган 16 адамдын ону ооруканага жаткырылды. Шаарды коюу түтүн каптап, бийлик баш калкалоочу жайлардан кайтып келген тургундарды терезелерин жабуу боюнча экертишти.
Кол салуу Киев аймагын да таасири астына алды. Аймактык аскердик башкаруунун билдиргенине караганда үйлөр жана кошумча имараттар зыянга учурап, төрт аймакта өрттүн чыкканы белгиленди. Обухов аймагында жарааланган бир киши ооруканага жаткырылды.
Бир күн мурун Украина Россиянын согуштиун башталышынан бери эң жогорку санга жетип 728 дрон учурганын билдирген. Мындан мурдагы эң чоң кол салуу 4 - июлда болгон жана 539 дрон менен 11 ракета учурулган. Буга чейин да 29 - июнда 537 аба бутасынын учурулгандыгы билдирилген.
New York Times булактарынын айтымында, орус президенти Владимир Путин Украинанын коргонуу күчтөрүнүн бул кысымга туруштук бере албай тургандыгын ойлоп жатат.
Буга чейин АКШ Пентагондун инвентаризациясына байланыштуу АКШ Украинага курал-жарак жеткирүүнү токтоткон. Бирок бул ири чабуулдардан кийин Трамп жардамды кайра баштоого буйрук берип, Украинага дагы бир абадан коргонуу системасы Патриотту жөнөтүү ыктымалын жарыялады.
трамп бул тууралуу : “Абдан катуу сокку урулуп жатат, чынлыгында абдан катуу. Бул маселени карап чыгабыз”,- деди.
