Бразилиянын президенти Луис Инасио Лула да Силва Бириккен Улуттар Уюмунун (БУУ) 81-Башкы Ассамблеясында АКШнын президенти Дональд Трампты октябрь айында өтүүчү президенттик шайлоого кийлигишпөө жөнүндө эскертерин билдирди.

Шайлоо өнөктүгү учурунда жактоочулары менен сүйлөшүп жатып Лула да Силва Нью-Йоркто өтүүчү БУУнун 81-Башкы Ассамблеясында Трампка айта турган билдирүүсү тууралуу сөз кылды.

Лула да Силва: "Мен жекшемби күнү саат 10:00дө БУУнун Башкы Ассамблеясына катышуу жана Трамп менен жолугушуу үчүн учакка отурам жана Трампка Бразилиядагы шайлоого кийлигишпөөнү айтам", - деди.

Бразилиянын эч кимдин "колониясы" болгусу келбей турганын баса белгилеген Лула да Силва өз өлкөсү эгемендүү болгусу жана эли тарабынан башкарылгысы келерин айтты.

Лула да Силва Вашингтон менен жакшы мамиледеги атаандашы, мурдагы президент Жаир Болсонаронун уулу сенатор Флавио Болсонарону бутага алып: "Бул өлкө күндүз мамлекеттик желекти көтөрүп, түнкүсүн АКШнын желегинин алдында тизе бүккөн саясатчыларга жол бербейт", - деп билдирди.

Бразилиядагы президенттик шайлоонун биринчи айлампасы 4-октябрда өтөт.

Сурамжылоолор көрсөткөндөй, ат салышуу азыркы президент Лула да Силва менен оңчул талапкер сенатор Флавио Болсонарунун ортосунда болот.