Ливия парламенти Грециянын 2019 Түркия деңиз келишимин жокко чыгаруу чакырыгын айыптады

Ливия парламенти Триполи менен Анкаранын ортосундагы 2019-жылдагы деңиз чек арасы боюнча өз ара түшүнүшүү меморандумун жокко чыгаруу чакырыктарын айыптап, муну "улуттук эгемендүүлүктү ачык бузуу" деп айыптады.

Жекшемби күнү Афинада ливиялык кесиптеши Акила Салих менен жолугушкан Греция парламентинин спикери Никитас Какламанис 2019-жылдагы Түркия менен Ливия ортосундагы деңиз келишимин жокко чыгаруу керектигин билдирди.

Ливия парламентинин экинчи орун басары Мисбах Ухида: "Биз грек расмий өкүлдөрүнүн, акыркы учурда Греция парламентинин спикерине таандык кылынган, Ливиянын ички иштерине ачык кийлигишүүгө чакырган билдирүүлөрүн таң калуу менен көрүп жатабыз", - деди. Ал: "Эч бир өлкөнүн Ливияга буларды жокко чыгарууга мажбурлоого укугу жок", - деп кошумчалады жана грек парламентинин спикеринин билдирүүлөрүн "улуттук эгемендүүлүктү ачык бузуу" деп мүнөздөдү.

Ухида "жакшы коңшулук жана өз ара сыйлашуу принциптерине негизделген эки тараптуу мамилелерге" болгон сыйды баса белгилеп, буларды айтты: "Ливия толук эгемендүү мамлекет жана өзүнүн эң жогорку кызыкчылыктарын жана аларды кантип коргоону өзү гана билет. Биз Ливиянын эгемендүү чечимдерине кийлигишүүнү же тышкы күчтөрдүн ага саясий көрсөтмөлөрдү таңуулоо аракеттерине каршыбыз".

Келишимде Ливия менен Түркиянын ортосундагы деңиз чек аралары аныкталган. Бирок, Греция бул келишимди өзүнүн өзгөчө экономикалык аймагына "кол салуу" экендигин айтып жатат.

Түркия менен түзүлгөн келишимге байланыштуу Ухида мамлекет тарабынан кол коюлган келишимдердин "эл аралык укук жана нормалар менен жөнгө салынган эгемендүү чечимдер" экенин жана эч бир өлкөнүн Ливияга аларды бекитүүсү, бузууга же жокко чыгарууга кысым көрсөтүүгө укугу жок экендигин айтып : "Грек тарабынын сабырдуу болууга, Ливиянын эгемендүүлүгүнө сый көрсөтүүгө жана Ливиянын ички иштерине кийлигишүү аракеттерин токтотууга" чакырды.