АКШнын сейсмологдору дүйшөмбү күнү эртең менен Малайзиянын Борнео аралындагы Сабах штатынын жээгинде 7,1 баллдык жер титирөө катталганын билдиришти.

АКШнын Геологиялык изилдөөлөр кызматы (USGS) жер титирөөнүн эпицентри жээктеги штаттын борбору Кота Кинабалудан болжол менен 100 чакырым түндүк-чыгышта жана 619,8 чакырым тереңдикте болгонун кабарлады.

Жер титирөө жекшемби күнү саат 00:57де (1657 GMT) болду.

АКШнын Геологиялык изилдөөлөр кызматы курмандыктардын же кыйроолордун ыктымалдуулугу төмөн экенин, ал эми АКШнын Цунами жөнүндө эскертүү борбору жер титирөөнүн тереңдигинен улам цунами активдүүлүгү күтүлбөгөнүн билдирип эскертүү берген жок.

Малайзиянын метеорологиялык департаменти жер силкинүүнү күчүн 6,8 балл деп жарыялап, "кырдаалды тыкыр көзөмөлдөй берерин" айтты.

Департаменттин маалыматына караганда, жер титирөө Сабахтын батыш жээгинде жана Саравак штатынын ар кайсы жерлеринде сезилди.