Россиянын түштүгүндөгү Краснодар жана Невинномысск шаарларындагы Wildberries электрондук коммерция платформасына таандык логистикалык борборлорго жасалган дрондордун чабуулунан он адам жаракат алды.
Wildberries компаниясынын негиздөөчүсү жана башкы директору Татьяна Ким жазуу түрүндөгү билдирүүсүндө Краснодар жана Невинномысск шаарларындагы эки логистикалык борборго түнкүсүн кол салуу болгонун билдирди.
Ким кызматкерлердин ылдам түрдө эвакуацияланганын жана алгачкы маалыматтар боюнча жаракат алгандардын бар экенин жана зарыл болгон колдоонун көрсөтүлөрүн белгиледи.
Краснодар аймагынын губернатору Вениамин Кондратьев да түнкүсүн аймактын дрондордун катуу чабуулдарына дуушар болгонун жана Краснодардагы Wildberries логистикалык борборунда 15 адамдын жаракат алганын жарыялады.
Кондратьев жаракат алгандардын үчөөнүн абалы оор экенин жана ооруканага жаткырылганын билдирди.
Логистикалык борборго жаслаган чабуулдан кийин калыбына келтирүү жана өрттү өчүрүү иштери уланып жатканын билдирген Кондратьев, Армавир шаарында дрондун сыныктары ишкана аймагына түшүп бир кызматкердин каза болгонун маалымдады.
Кондратьев дрон сыныктары Краснодардагы эки көп батирлүү үйгө жана Динская конушундагы эки үйгө тийгенин билдирди.
Wildberries - Россиянын эң ири электрондук коммерция платформаларынын бири. Акыркы күндөрү компаниянын бир нече логистикалык борборлору дрон чабуулдарына кабылууда.
