UNRWA башчысы Израилдин Батыш Шериадагы аракеттерин "эл аралык укукка сокку" деп сыпаттады
БУУнун Качкындар боюнча агенттиги, Израиль кабинетинин чечимдери мыйзамсыз конуштардын тездик менен кеңейишине алып келип, палестиналыктардын арасындагы үмүтсүздүктү тереңдетерин билдирди.
БУУнун Палестиналык качкындарга жардам агенттигинин (UNRWA) башчысы оккупациядагы Батыш Шериада Израилдин жаңы чараларын катуу сынга алып, аларды "эл аралык укукка жаңы сокку" деп сыпаттады жана бул кадамдар Израилдин көзөмөлүн бекемдеп, зордук-зомбулукту күчөтүшү мүмкүн экенин эскертти.
UNRWA башкы комиссары Филипп Лаззарини жекшемби күнү Израилдин Коопсуздук кабинети тарабынан бекитилген кадамдар "конуштардын тездетилген түрдө кеңейишине алып келерин” жана палестиналыктардын келечекке үмүттөрүн жок кылаарын айтты.
Лаззарини шейшемби күнү кечинде X платформасындагы билдирүүсүндө: "Бул чаралар көзөмөлдү күчөтүү, үмүтсүздүк жана зордук-зомбулуктун рецепти болуп саналат" - деп билдирип, аталган чечимдер дүйнөлүк кесепеттерге алып келиши мүмкүн экенин эскертти.
Израилдин өз көзөмөлүн күчтөндүрүү аракеттери
Израилдин маалымат каражаттарынын билдирүүлөрүнө ылайык, министрлер кабинети оккупациядагы Батыш Шерианы жөнгө салуучу укуктук жана административдик базага бир катар өзгөртүүлөрдү бекитти.
Алардын катарына жеке израилдиктерге жерди сатууга тыюу салган мыйзамды жокко чыгаруу, жерге ээлик кылуу реестрлерин ачуу жана Хевронго жакын жердеги конушта курулушка уруксат берүү ыйгарым укуктарын Палестина муниципалитетинен Израилдин жарандык администрациясына өткөрүп берүү кирет.
Оккупацияланган Батыш Шериада конуштардын кеңейиши эл аралык укук боюнча мыйзамсыз деп эсептелет.
Акыркы чаралар аймактагы чыңалууну ого бетер күчөтөт деп күтүлүүдө.