Түркиянын президенти Режеп Таййип Эрдоган Газа кризисине болгон реакциясын адеп-ахлактык лидерлик жагынан ийгиликсиздик катары сыпаттап батыштык өлкөлөрдү сынга алды.
Эрдоган шаршемби күнү Венгриядан кайтуусунда журналисттерге маалымат берип, Газанын бир гана адамзаттык трагедия гана эмес ошол эле учурда дүйнөнүн моралдык бүтүндүгүнүн өлчөмү катары мүнөздөдү.
“Газадагы кырдаал жөн гана гуманитардык кризис эмес, ошол эле учурда эл аралык системанын чынчылдыгынын сыноосу жана батыштык мекемелер бул сыноодон өткөн жок”,- деди Эрдоган.
Израилди Газага карата жардамдарды атайылап бөгөттөө менен айыптаган Эрдоган мындай аракеттердин Израилди дүйнөлүк аренада жалгыздыкка алып келип, Европадагы көз караштарды өзгөртүп жаткандыгын эскертти.
Эрдоган Газадагы кыйынчылыктарды көз жаздымда калтыргандардын тарых алдында жоопко тартыларын кошумчалады.
Газа калкына колдоо берүү тууралуу чечкиндүүлүктөрүн кайталаган Эрдоган Түркиянын адамзаттын жанында экендигин жана бул позициясынан баш тартпай тургандыгын белгиледи.
Сирияга карата санкциялар жана АКШ сапары
Аймактык дипломатияга да токтолгон Эрдоган Сирияга карата эл аралык санкцияларды жоюну талап кылып, мунун туруктуулуктун түзүлүшү үчүн маанилүү бир кадам экендигин айтты.
Мындай кадамдын Түркиянын Жакынкы Чыгыштагы конструктивдүү дипломатиялык мамилесинин натыйжалуулугун көрсөтөрүн белгиледи.
Эрдоган өзгөчө АКШга жакында боло турган сапары тууралуу айтып, президент Дональд Трамп менен жолугушуу үмүт артарын билдирди.
