АКШнын президенти Дональд Трамп CAATSA боюнча Түркияга киргизилген санкцияларды жоюуга байланыштуу оң билдирүү жасап, бирок бул боюнча кандайдыр бир жаңы чечим кабыл алганын билдирген жок.
Санкциялардын жоюлушун эмне кечеңдетип жатканы тууралуу суроого жооп берген Трамп: «Мен ар дайым президент Эрдоган менен сүйлөшөм. Билесиздер, ал менин досум. Мен ар дайым мамилебизди жакшы сактагым келет», — деди.
Трамп июль айында Түркияда өткөн НАТО саммитинин алкагында президент Режеп Таййип Эрдоган менен жолугушууда CAATSA санкцияларын жоюуну каалаганын жана Анкарага F-35 согуштук учактарын сатып алууга уруксат берүүнү «сөзсүз» карап көрөрүн билдирген.
АКШ 2019-жылы Түркия Россиядан S-400 абадан коргонуу системасын сатып алгандан кийин Анкараны F-35 программасынан чыгарган. CAATSA санкциялары болсо 2020-жылы киргизилген.
