АКШнын Саламаттыкты сактоо жана калкты тейлөө департаменти, "антисемиттик куугунтукка жана расалык дискриминацияга каршы чара көрүлбөй жатат" деген жүйө менен Гарвард университетине 60 миллион долларлык федералдык грантты жокко чыгарганын жарыялады.
"Гарвард университети антисемиттик куугунтукка жана расалык дискриминацияга каршы чара көрбөй жаткандыктан 60 миллион долларга жакын көп жылдык гранттык сыйлыктарды токтотуп жатабыз", - деп айтылат Департаменттин дүйшөмбү күнкү билдирүүсүндө. Ошондой эле, "Трамптын администрациясы учурунда кампустагы дискриминацияга эч качан жол берилбейт. Федералдык каражаттар, бардык студенттерди коргогон мекемелерди колдошу керек" деп айтылды.
Акыркы жумаларда Трамптын администрациясы, Гарвардга карата кадамдарын күчөттү. Университетти 9 миллиард долларга жакын федералдык каржылоону карап чыгып Палестинаны колдогон айрым топторго жана нааразылык акцияларында колдонулган беткаптарга каршы чара көрүүгө чакырган. Ошондой эле Гарварддан анын чет өлкөлүк байланыштары тууралуу көбүрөөк маалымат берүүсүн талап кылып, университеттин салыктан бошотулган статусун жана чет элдик студенттерди кабыл алуу мүмкүнчүлүгүн жокко чыгарам деп коркуткан.
Апрель айынын башында университет Трамптын талаптарын четке кагып, аларды “сөз эркиндигине жана академиялык эркиндикке кол салуу” деп атаган. Ошондой эле апрель айынын аягында 2,3 миллиард долларга жакын федералдык каржылоону токтоткондугу үчүн Трамптын администрациясын сотко берген.
Бутага алынган университеттер
Трамптын администрациясы палестиналыктарды колдогон нааразылык акциялары жана башка маселелер боюнча америкалык университеттерге кысымды арттырып, абройлуу университетке көзөмөлдү күчөттү.
Колумбия университети менен башталган процессте, Палестинаны колдогон нааразылык акциялары АКШнын кампустарына жайылгандан кийин 400 миллион долларлык федералдык каржылоо токтотулду.
Акырында университет Трамптын кысымына баш ийип, нааразылык акциялары боюнча саясатты өзгөртүүнү камтыган олуттуу өзгөртүүлөрдү жарыялаган.
Андан кийин Трамптын администрациясы, Палестинаны колдогон демонстрацияларга жол бергени үчүн Корнелл университети менен Түндүк-Батыш университетине федералдык каржылоону да токтоткон.
