Шейшемби күнү Жаңы Зеландия оккупацияланган Батыш Шериадагы абалдын начарлап баратканына терең тынчсыздануусун билдирип, "Израилдин аракеттеринин" күчөшү туруктуу тынчтыктын келечегине коркунуч туудурарын эскертти.
Тышкы иштер министри Уинстон Петерс Xтеги билдирүүсүндө: “Израилдин аракеттеринде туруктуу тынчтык мүмкүндүгүнө коркунуч туудурган олуттуу эскалация байкалды” деди.
Петерс, оккупацияланган Палестина аймагындагы мыйзамсыз израилдик отурукташуулардын эл аралык мыйзамдарды бузганын жана бул отурукташуу жерлеринин кеңейиши эки мамлекеттүү чечим мүмкүнчүлүгүнө зыян келтирип жатканын айтып, мыйзамсыз израилдик отурукташуучулардын палестиналыктарга карата зомбулуктарын катуу айыптап, күнөлүүлөрдү жоопко тартууга чакырды.
Питерс өз билдирүүсүндө, "Жаңы Зеландия эл аралык өнөктөштөрүнө кошулуп, Израилдин өкмөтүн конуштарды кеңейтүүнү токтотууга, отурукташуучулардын зордук-зомбулугуна жол бербөөгө жана ага каршы күрөшүүгө, ошондой эле тынчтыктын келечегине доо кетире турган иш-аракеттерден алыс болууга чакырат" деди.
Петерс Веллингтон аннексияга карай кадамдарды же палестиналыктарды мажбурлап көчүрүүгө коркунуч туудурган аракеттерди чечкиндүү түрдө четке кагып, мындай чаралар эл аралык укукка туура келбей турганын баса белгиледи.
Жаңы Зеландиянын эки мамлекеттүү чечимди колдоону улантканын кайталаган Петерс мунун израилдиктер менен палестиналыктардын тынчтык жана коопсуздукта жашоосу үчүн «эң жакшы үмүт» экенин айтты.
Шейшемби күнү Британия, Франция, Канада, Дания, Финляндия, Исландия, Ирландия, Норвегия, Польша, Португалия, Испания жана Швеция оккупацияланган Палестина аймагындагы мыйзамсыз израилдик конуштар менен сооданы чектөө кадамдарын жарыялашкан.
