Коомдук телеканал NHK билдиргендей, Япониянын премьер-министри Шигеру Ишиба дүйшөмбү күнү бийликтеги коалициянын жогорку палатадагы шайлоодо көпчүлүктү жоготкондон кийин “эки партиялуу” колдоо издеп жатат.
Ишиба маалымат жыйынында:“Бул шайлоонун жыйынтыктары алып келген жоопкерчиликти билип турам, бирок өлкөнүн алдыңкы партиясы катары жана элибизге карата стагнацияга жол бербөө үчүн өз милдетимди аткарышым керек”,- деди.
“Башка партиялар менен талкууларды тереңдетип, өлкөмө болгон чын ыкластуу берилгендик менен улуттук саясатка жакындагым келет”, - деген Ишиба бийликтеги Либерал-демократиялык партиянын (ЛДП) “Япониянын келечеги жана эли үчүн” өз ролун улантарын белгиледи.
Бул билдирүүлөр Япониянын жакынкы тарыхындагы эң дүрбөлөңдүү шайлоолордун биринде ЛДПнын парламенттин жогорку палатасындагы көпчүлүк добушунан ажырагандан кийин жасалды.
ЛДП жана Комэйтодон турган бийликтеги коалиция 125 орундук жарышкан шайлоодо 47 орунга ээ болуп, көпчүлүктү сактап калуу үчүн керектүү 50 орунга жете албады.
ЛДП 39 орунга ээ болуп, жогорку палатадагы эң чоң партия бойдон калууда, ал эми негизги оппозициялык Конституциялык демократиялык партия 22 орундукка жетишип экинчи чоң партияга айланды.
Шайлоого чейин 141 мандатка ээ болгон ЛДП-Комэйто бийликтеги коалиция азыркы учурда 248 орундуу жогорку палатада 122 орунга кыскарды.
Бир партия же коалициянын жогорку палата болгон Кеңешчилер палатасында көпчүлүккө ээ болушу үчүн кеминде 125 орунга ээ болушу керек.
Премьер-министр өзгөчө “коалициянын алкагын кеңейтүү” ниетинин жок экенин айтып, башка партиялар менен иштөөнү улантууну каалаганын белгиледи.
"АКШнын бажы чараларына жооп кайтаруу, баалардын өсүшүнө каршы туруу, эртең болуп кетиши мүмкүн болгон табигый кырсыкка даярдык көрүү сыяктуу курч маселелерди чечүү үчүн болгон күчүмдү жумшайм", - деген Ишиба өзүнүн кызматта калуу мөөнөтү үчүн акыркы датаны пландабаганын кошумчалады.
"Баалардын өсүшүнө каршы чараларды көрүү үчүн фискалдык жоопкерчиликти да эске алуу менен эки партиялуу чечим чыгаргым келет”,- деди.
.
