КРнын Ички иштер министрлиги: Түркияда Кыргызстан менен Түркиянын ички иштер министрлери эки өлкөнүн укук коргоо органдарынын ортосундагы андан ары кызматташууну талкуулашты.
КРнын ички иштер министри, полициянын генерал-полковниги Улан Ниязбеков Түркияга болгон жумушчу сапарынын алкагында Түркиянын ички иштер министри Мустафа Чифтчи менен жолугушту.
Жолугушууда тараптар Кыргызстан менен Түркиянын ички иштер органдарынын ортосундагы кызматташтыкты андан ары өнүктүрүү, жарандардын коопсуздугун камсыз кылуу жана мыйзамдуулукту жана тартипти чыңдоо маселелерин талкуулашты.
Трансулуттук уюшкан кылмыштуулукка, баңгизаттарды мыйзамсыз жүгүртүүгө, киберкылмыштуулукка жана экстремизмге каршы күрөшүү боюнча биргелешкен аракеттерге өзгөчө көңүл бурулду. Ошондой эле маалымат алмашууну тездетүү жана биргелешкен иш-чараларды өткөрүү маселелери талкууланды.
Андан тышкары, алдыңкы тажрыйбаларды алмашуу жана ички иштер органдарынын ишине заманбап технологияларды киргизүү маселелери талкууланды.
Жолугушууда эки өлкөнүн жарандарынын коопсуздугу жана миграция маселелери боюнча ыкчам кызматташууну күчөтүү маселелери да каралды.
Тараптар эки өлкөнүн ички иштер органдарынын ортосундагы түз жана ыкчам кызматташууну андан ары өнүктүрүүгө даяр экендиктерин билдиришти.
КРнын Ички иштер министрлигинин басма сөз кызматы
