Россиянын президенти Владимир Путин Европага кол салууну пландабагандарын билдирип:«Россиянын аймагына, анын ичинде Калининградга түздөн-түз кол салуу болсо, өлкөбүздүн карамагындагы бардык куралдарды колдонуу маселеси сөзсүз түрдө күн тартибине коюлат», — деди.

Путин бул сөздөрдү Москвадагы Эл аралык Валдай талкуу клубунун жылдык жыйынында Россия менен Европа өлкөлөрүнүн ортосундагы чыңалуу жана Украинадагы согуш боюнча баа берип жатып айтты.

Путин эч бир өлкөнү коркутпагандарын баса белгилеп: "Биз эч кимди коркутуп жаткан жокпуз. Россиянын Тышкы иштер министрлигинин билдирүүсү жана айрым өлкөлөргө жөнөтүлгөн каттар коркутуу эмес, бизди коркутуу аракеттерине жооп",- деди.

Путин эч кимге кол салууну пландабагандарын баса белгилеп: "2029, 2030 же 2050-жылдарга эч нерсе пландаган жокпуз, бирок эгерде биз кол салууга туш болсок, жооп кайтарууга аргасыз болобуз. Европа өлкөлөрүнүн жарандары муну так түшүнүп, биздин позициябыз менен өз өлкөлөрүндөгү айрым саясий лидерлердин позициясын айырмалашы керек", - деди.

Путин Россиянын алдында Россиянын калкынын эки эсе көп калкы бар, чоң экономикалык жана аскердик потенциалы бар тарап турганын, ошондуктан бул коркунуч менен күрөшүү үчүн алардын күч-кубаттары жана каражаттары чектелүү болорун, андыктан алар өз артыкчылыктарын колдонууга аргасыз болушарын айтты.

Владимир Путин: "Бүгүн Россия ээ болгон куралдар башка эч кимде жок. Бул биздин артыкчылыгыбыз", - деди.