Израиль армиясы Сирия армиясынын Дамаск шаарындагы Башкы штаб комплексинин кире беришин бутага алганын билдирди.

Израилдин шаршемби күнкү билдирүүсүндө : “Кыска убакыт мурун Сирия режиминин Дамаск аймагындагы аскердик штабынын кире беришин аткылады”,- деп айтылды.

Сириянын мамлекеттик телекөрсөтүүсү Дамасктын борборундагы эки кишинин жаралангандыгын билдирди бирок так кайда болгону тууралуу маалымат берген жок.

Сириянын телекөрсөтүүсү өзгөчө Сирия армиясынын башкы штабынын комплексине жакын жерлерде курал үндөрүнүн угулганын кабарлады.

Израиль армиясынын радиосу кол салууларды ырастап, аймактагы «Сирия армиясынын мүлктөрүн» бутага алганын билдирди.

Израиль Сирия менен чек арасындагы коопсуздук тосмосуна кошумча күчтөрдү жөнөтөрүн жарыялады.

Бул чабуулдар Израилдин Коргоо министри Исраэль Кац друз жана бедуин жамааттарынын ортосунда баш аламандык болуп жаткан Сүвейда провинциясынан Сирия күчтөрү чыгып кетпесе, бутага алуу менен коркуткандан көп өтпөй болду.