Дүйшөмбү күнү Пакистандын түндүк-батышындагы жарылуудан кеминде үч адам каза болуп, төртөө жаракат алды.
Колго жасалган жардыргыч зат колдонулган кол салуу Ооганстандын чек арасына жакын уруулар жашаган аймак болгон Түштүк Вазиристандын борбору Ванадагы базарда катталды.
Регионалдык полициянын башчысы Мухаммед Тахир журналисттерге жарылуунун каза тапкандардын арасында болгон Ахмедзай уруусунун лидеринин унаасына багытталганын кабарлады.
СУНУШТАЛАТ
Ахмедзай уруусунун жергиликтүү калктын 60 пайыздан ашыгын түзгөнү айтылды.
Кол салуу үчүн азырынча бир дагы уюм жоопкерчиликти ала элек.
Туруктуу эмес кырдаалда турган Түштүк Вазиристан Пакистандагы ар кандай куралдуу топтордун чатыр уюму болгон Техрик-и-Талибан Пакистандын негиздөөчү борбору деп эсептелет.
