Мексиканын деңиз флоту Тынч океандагы "координацияланган операцияда" кемеден бир нече тонна кокаинди колго түшүргөнүн билдирди.
Бул адаттан тыш биргелешкен аракет эки өлкөнүн ортосундагы чыңалууга карабастан ишке ашты; АКШнын президенти Дональд Трамп улуттук коопсуздукка олуттуу коркунуч келтирген мексикалык баңги картелдерине каршы чара көрүүгө убада берген.
Мексиканын деңиз флоту шаршемби күнү Колима штатындагы Манзанильо порт шаарынан 1100 чакырым (680 миль) алыстыкта жайгашкан Кларион аралынын жанындагы кемеден "бир нече тонна кокаин камтылган болжол менен 188 таңгак" кармалганын маалымдады.
Трамп баңгизатка каршы рейддерди жана картельдерди камакка алууну күчөтүү үчүн Мексикага кысым көрсөтүү максатында өлкөгө кошумча тарифтерди киргизем деп коркутту.
Бул жылы эки коңшу өлкө менен Канаданын ортосундагы эркин соода келишими кайра каралып чыгат.
Трамптын администрациясы шаршемби күнү Техастагы аэропорттун убактылуу жабылышына мексикалык картель дрондору себеп болгонун билдирди.
Бирок Мексиканын президенти Клаудия Шейнбаум чек арадагы картель дрондору тууралуу эч кандай маалымат албаганын айтты.
