Президент Режеп Таййип Эрдоган Италиянын премьер-министри Джорджа Мелони менен телефон аркылуу сүйлөштү. Сүйлөшүүдө эки тараптуу карым - катнаштар, аймактык жана глобалдык абалдар талкууланды.

Коммуникация башкармалыгынын социалдык медиа Х аркылуу берген маалыматына караганда президент Эрдоган сүйлөшүүдө; Түркиянын Италия менен башта коргоо өнөр жайы болгон бардык тармактарда кызматташууну күчөтүү үчүн иштегенин белгиледи жана эки тараптуу карым - катнаштарды да алдыга жылдыруу үчүн жаңы кадамдардын ташталышынын маанисин баса белгиледи. Билдирүүдө өзгөчө президент Эрдогандын алдыдагы жумада борбор шаар Анкарада өтө турган НАТОнун лидерлер саммитинин союздаштар арасындагы биримдикти бекемдей турганын күткөнүн айтканы белгиленди. Италиянын премьер - министри Мелонинин да саммитке катышары күтүлүүдө.

32 мүчө өлкөдөн жана чакырылган 9 өлкөдөн 52 лидер катыша турган НАТОнун 36-мамлекет жана өкмөт башчыларынын саммити 7-8-июлда Анкарада өтөт.

Карым - катнаштар тереңдеп баратат

Түркия менен Италиянын ортосундагы соода көлөмү 2024-жылы 32,2 миллиард долларга жеткен жана эки өлкө 2025-жылдын апрель айында Римде өткөн саммитте 40 миллиард долларлык соода максатын койгон. Италия Түркиянын эң маанилүү экспорттук рынокторунун бири. Түркиянын Италияга экспорту 2025-жылы 12,4 миллиард доллар менен рекордго жетти.

Коргонуу өнөр жайындагы карым - катнаштар да тереңдеп баратат. Байкар жана Италиянын Leonardo фирмасы 2025-жылы учкучсуз технологиялар боюнча биргелешкен ишкана түзүшкөн, ал эми ошол эле жылдын июнь айында Байкар Италиянын авиация фирмасы Piaggio Aerospace аэрокосмостук компаниясын өз курамына кошкон.

Италия 2020-жылдан бери Каспий газын Түштүк Италияга ташып келе жаткан Транс-Адриатика кууру (TAP) сыяктуу Түштүк газ коридору аркылуу Түркиянын негизги энергетикалык өнөктөштөрүнүн бири болууну улантууда.

Акыркы маалыматтар боюнча, Италияда болжол менен 50 000 түрк жараны жашайт, ал эми 2025-жылы Түркияга 740 000ге жакын италиялык турист келген.