Израилдин түндүгүндөгү Хайфа булуңунда жайгашкан Bazan Group компаниясынын мунай иштетүүчү заводундагы бардык операциялар Ирандын ракеталык соккусунан кийин токтотулду. Бул окуя түн ичинде болуп, үч адамдын өмүрүн алды.

Компания дүйшөмбү күнү билдиргендей, сокку заводдун электр инфраструктурасына олуттуу зыян келтиргенин билдирди.

The Times of Israel гезитинин жазганына караганда, Bazan Group Тель-Авив фондулук биржасына жасаган билдирүүсүндө: «Электр станциясы объектилердин бузулушунан улам чоң зыянга учурады, ошондуктан бардык мунай иштетүүчү ишканалар жана туунду компаниялардын жайлар жабылды»,- деп айтылды.

Компания Израилдин Электр корпорациясы менен биргеликте объектке электр энергиясын калыбына келтирүү боюнча иш алып баргандыгын кошумчалады.

The Times of Israel гезитинин маалыматына ылайык, Ирандын ракеталары жекшемби күнү кечинде Bazan мунай иштетүүчү комплексине сокку уруп, түтүктөргө жана электр өткөрүү линияларына зыян келтирген. Компания мунай иштетүү иштери улантылып жатканын белгилеп, башка операциялардын токтотулганын ырастады.

Кол салуу Израилдин жума күнү Ирандын бир нече жерлерине, анын ичинде аскердик жана өзөктүк объекттерге абадан сокку уруусунан кийин аймактык чыңалуу күчөгөн учурга туш келди. Тегеран Израилдин аймагына ракеталык сокку уруу менен жооп берди.

Израиль бийлиги жума күндөн бери Ирандын чабуулдарынан кеминде 24 адамдын каза болуп, жүздөгөн адамдын жаракат алганын билдирди.

Бир тараптан Иран Израилдин чабуулдарынан кеминде 224 адамдын каза болгонун, 1000ден ашуун адамдын жаракат алганын маалымдады.