Ирандын чабуулдары АКШнын Жакынкы Чыгыштагы чалгындоо мекемелерине жана жабдууларына миллиарддаган доллар зыян келтиргени айтылууда.

NBC News агенттигинин темадан кабардар төрт кызматкерге шилтеме жасап билдиргенине караганда, Ирандын дрон жана ракета чабуулдары АКШнын Борбордук чалгындоо агенттиги (ЦРУ) жана Жакынкы Чыгыштагы башка чалгындоо агенттиктери колдонгон имараттарга жана жабдууларга зыян келтирди.

Чабуулдар аймактагы АКШнын чалгындоо мекемелерине "болуп көрбөгөндөй" зыян келтиргенин ырастаган жетекчилер, имараттарды жана жабдууларды оңдоо же алмаштыруу миллиарддаган долларды талап кыларын маалымдашты.

CNN телеканалы спутниктен тартылган сүрөттөргө, зыянды баалоо отчетторуна жана АКШ менен Перс булуңундагы булактарга таянып, 28-февралдан бери Ирандын чабуулдарынан улам АКШнын Жакынкы Чыгыштагы кеминде 16 аскердик базасы ар кандай деңгээлде зыянга учураганын кабарлады.

CBS News жана CNN сыяктуу көптөгөн америкалык маалымат каражаттары да Иран менен болгон согуштун жалпы чыгымы кеминде 50 миллиард долларды түзөрүн билдиришкен.