Араб коалициясынын басма сөз катчысы бригадалык генерал Турки аль-Малики X платформасындагы билдирүүсүндө хуситтердин Сауд Арабиясын, анын жарандарын жана улуттук мүмкүнчүлүктөрүн бутага алуу аракеттери жоопкерчиликсиз жана душмандык мамилени чагылдыраарын айтты.

Малики хуситтердин жакында Абха, Хамис Мушайт, Джазан жана Нажран шаарларындагы жарандык жана коммерциялык объектилерге жасаган чабуулдары Сауд Арабиясынын эгемендигин ачыктан-ачык бузуп, анын коопсуздугуна коркунуч келтиргенин белгиледи.

"Террористтик хуситтердин куралдуу топтору" тарабынан эч кандай негизсиз жасалган бул чабуулдар Сауд Арабиясынын экономикалык кубаттуулугуна зыян келтирүүгө багытталганын айткан Малики, Араб коалициясынын күчтөрү хуситтердин ушул кол салууларын нейтралдаштыруу жана бул агрессивдүү жүрүм-турумга чечкиндүү каршы туруу үчүн бардык зарыл "ыкчам" чараларды көрөрүн билдирди.

Иран колдогон хуситтер 2014-жылдын сентябрь айынан бери Йемендин айрым бөлүктөрүн, анын ичинде борбор шаар Сананы көзөмөлдөп келишет. Сауд Арабиясы жетектеген коалиция болсо 2015-жылдын март айынан бери Йемен өкмөтүн колдоп келет.