Тегеран Украинанын Иранга таандык соода кемесине жасаган чабуулунда бир моряктын каза болгонун маалымдап, улуттук кызыкчылыктарын коргой турганын билдирди.

Иран Украинанын Каспий деңизинде Иранга таандык соода кемесине кол салганын, окуяда бир моряктын каза болгонун билдирип, чабуулду "агрессиялык аракет" деп айыптады.

Ирандын Тышкы иштер министрлигинен жасалган билдирүүдө чабуулдун ишемби күнү эртең менен болгону жана кемеже жарылуунун болгону белгиленди. Окуяда бир моряк каза болуп, дагы биринин жаракат алганы маалымдалды.

Министрлик Киевди эл аралык укукка каршы аракет кылуу, кагылышууну кеңейтүү жана коопсуздукту бузууга аракет кылуу менен айыптады.

Укуктук жана аскердик кесепеттер

Ирандын Тышкы иштер министрлиги эл аралык укукта камтылган өзүн-өзү коргоо принцибине ылайык, өзүнүн кызыкчылыктарын жана улуттук коопсуздугун коргоодон тартынбай турганын билдирди.

Ошол эле учурда, Украинанын президенти Владимир Зеленский ишемби күнү X платформасында жасаган билдирүүсүндө Украина Каспий деңизинде узак аралыкка сокку урууда "абдан күчтүү натыйжаларга" жетишкенин айтты.

Зеленский чабуулдардын "Иран жана согуштук кеме катышкан аскердик жүк ташууларда колдонулган кемелерге" багытталганын билдирди.