Түндүк Корея Венада өткөн Эл аралык атомдук энергия агенттигинин (МАГАТЭ) жыйынында «ядролук куралдан арылуу» чакырыктарын четке кагып, позициясы «так» экенин билдирди.
KCNAнын маалыматына караганда, Корея Жумушчу партиясынын (WPK) Жалпы иштер бөлүмүнүн башчысы Ким Ё Чжон жыйынга байланыштуу жазуу түрүндө билдирүү жасады.
Ким МАГАТЭнин жыйынында Түндүк Кореяны ядролук куралдан арылууга чакырган билдирүүлөрдү «таң калыштуу жана куру ызы-чуу» деп атап буларды айтты: «МАГАТЭ менен Батыш мезгил-мезгили менен жолугушууларды өткөрүп, алдын ала белгиленген күн тартибинин негизинде ядролук куралсыздануу маселеси тууралуу сүйлөшсө да Түндүк Кореянын мамлекеттин жогорку кызыкчылыктарын коргоо үчүн зарыл болгон бардык чараларды көрүү эркине жана мүмкүнчүлүгүнө эч кандай таасир эте албайт».
Ким Түндүк Кореянын ядролук курал боюнча позициясы «так жана артка кайтарылгыс» экенин белгилеп, өлкөнүн ядролук статусунун физикалык жана юридикалык жактан бекемделген чындыгы өзгөрбөй турганын билдирди. Түндүк Кореянын күчүндө жана абалында болгон маанилүү өзгөрүүлөрдү эч ким жана эч нерсе артка кайтара албайт жана келечекте да токтото албайт деген көз карашын бөлүштү.
Түштүк Корея билдирүүлөрдү «эске алды»
Бир тараптан Түштүк Кореянын Биригүү министрлиги бул маселе боюнча жазуу түрүндө билдирүү жарыялады.
Кимдин бул сөздөрү “эске алынгандыгы” белгиленген билдирүүдө мунун “ыктымалдуу саммитте ядролук куралсыздануунун күн тартибинин тышында экендигин Вашингтонго ачыкча билдирүү аракети” экендиги айтылды.
