Улуттук Чалгындоо Уюмунун (MIT) жүргүзгөн операциясында 2013-жылы Рейханлыда 53 адамдын өмүрүн алган террордук чабуулдун уюштуруучуларынын бири Омар аль-Хатиб деңиз аркылуу Европага качууга аракет кылган жеринен кармалды.
Кызыл бюллетень менен издөөдө жүргөн Омар аль-Хатип Рейханлы кол салууларын пландаштыруу жана уюштурууга катышкан.
Омар аль-Хатип ким?
Омар аль-Хатип 1976-жылы Сириянын Идлиб шаарында туулган. Дамасктагы 14-дивизияда кызмат өтөгөндөн кийин, бир аз убакыт Идлибде курулушта иштеген. 2011-жылы Сириядагы жарандык толкундоолор башталганда Латакияга барган. Башар Асадга берилген "Амн аль-Аскари" аскердик чалгындоо бөлүмүнүн ичиндеги оппозицияга каршы куралдуу аракеттерди жүргүзгөн Шабиха тобуна кошулган. Бул аркылуу Амн аль-Аскари уюмунун Латакия бөлүмүнүн ошол кездеги башчысы Кифах Мелхем менен таанышкан.
2011-жылдан кийин Латакияда жашаган Омар аль-Хатиб Рейханлыдагы жардыруулардын башка аткаруучулары менен таанышкан. Латакиядагы виллада Женгиз Сертел, Эржан Баят жана Юсуф Назик менен чогуу жашап, Латакия жана Кессаб аймактарында аткезчилик менен иш алып барган.
Рейханлы чабуулун бирге пландаштырышкан
Омар аль-Хатиб 2013-жылы Түркияга каршы кол салууларды пландаган Юсуф Назик менен Кифах Мелхемди жолушугкан. Бул жолугушууларда кол салуунун пландары кенен талкууланган.
Омар аль-Хатиб менен Юсуф Назик алгач 2013-жылдын февраль айында кол салуудан мурун, Хатайдан Түркияга кирип кол салуу боло турган жерлерди аныкташкан жана Латакиядагы Кифах Мелхемден уруксат алышкан.
Омар аль - Хатиб кол салуу күнүнөн мурун 2013 - жылы май айында Темир Дүканжы менен биргеликте бирге Аскердик чалгындоо кызматынын ( Амн аль-Аскари) Латакиядагы бөлүмүнө барып, бомба жасоо үчүн колдонула турган материалдарды алышкан. Бомба жүктөлгөн унаа Темир Дүканжы жана Юсуф Назик тарабынан Рейханлыга алып келинип, алыстан башкарылуучу бомбаны жардырган.
Асад режими тарабынан сыйланышты
Омар аль-Хатиб кол салуулардан кийин Сирияга качкан Темир Дүканжы жана Юсуф Назикти Амн аль-Аскаринин Латакиядагы бөлүмүнө алып барган. Омар аль - Хатип жана кол салууну аткарган башка адамдарга Башар Асад режими акчалай сыйлык берген.
Улуттук Чалгындоо Уюму ар бир кадамын көзөмөлгө алды
Түркиянын Улуттук Чалгындоо Уюму Рейханлы чабуулунан кийин кылмышкерлерди кармоо үчүн иштей баштаган. Башка кылмышкерлер сыяктуу эле, Омар аль-Хатибдин Сирияда аткарган иштери тыкыр көзөмөлдөнүп турган.
Улуттук Чалгындоо Уюму Омар аль-Хатибдин Европага качуу планына ылайык иш-аракет кылган. Рейханлы чабуулунун сириялык кылмышкерлеринин бири Омар аль-Хатиб деңиз аркылуу Европага качууга аракет кылып жатканда Улуттук Чалгындоо Уюму тарабынан кармалып, Түркияга алып келинди.
Кол салуунун башка кылмышкерлери жана пландоочулары Юсуф Назик (2018), Женгиз Сертел (2024), Мухаммед Диб Коралы жана Темир Дүканжы (2025) кармалган.
Рейханлы кол салуусуна буйрук берген генерал-майор Кифах Мелхем 2024-жылдын февраль айында Башар Асад тарабынан Улуттук коопсуздук башкармалыгынын башчысы болуп дайындалган. Кифах Мелхемдин Асад режими кулагандан кийин чет өлкөгө качып кеткени маалым.
