Украинанын президенти Владимир Зеленский Херсондо орус дрондорунун микроавтобуска жасаган чабуулунан төрт адам каза болуп, бешөө жаракат алганын жарыялады.

Зеленский социалдык медиа аккаунтундагы жазуу түрүндөгү билдирүүсүндө орус армиясынын Украинанын Херсон шаарындагы микроавтобусту бутага алганын билдирди.

Чабуулдун FPV дрон менен жасалганын белгилеген Зеленский: "Төрт адам каза болуп, бешөө жаракат алды", - деди.

Зеленский мындай чабуулдардын фронт тилкесине жакын аймактарда жасалып жатканын белгилеп: "Союздаштарыбыз кошумча коргоо системаларын камсыз кылуудан тартынып жатса орустар бардык чектерди буга чейин эле ашып өтүштү", - деп кошумчалады.

Украинанын Өзгөчө кырдаалдар боюнча мамлекеттик кызматынан (DSNS) берилген билдрүүдө да Россиянын Запорожье шаарына түнү жасаган абадан кол салуусунда бир адамдын каза болгонун жарыялады.