Жашыл суутек өндүрүүчүлөр коомунун төрагасы Юсуф Гүнай Түркиянын 2035-жылга чейин жаңылануучу энергиянын орнотулган кубаттуулугун 120 миң мегаваттка көтөрүүнү максат кылганын айтты.

Өлкөнүн энергетикадагы трансформациясына көңүл бурган Гүнай Түркиянын жогорку эффективдүү күн жана шамал ресурстарына бай экенин белгилеп “Бул табигый потенциалды натыйжалуу пайдалануу керек,” – деди.

Энергия рыногун жөнгө салуу органы (EPDK) түзүлгөндөн кийин жергиликтүү ресурстарды жакшыраак пайдалануу боюнча олуттуу жылыштар башталганын кошумчалады.

Түркиянын күн жана шамал кубаттуулугу

Гүнай жаңылануучу энергиянын, Түркиянын көбүнчө энергия импортунан улам пайда болгон күндөлүк эсеп тартыштыгын азайтуу үчүн эң стратегиялык чечимдердин бири экенин баса белгиледи. Түркиянын жаңылануучу энергия потенциалы боюнча Европада бешинчи, дүйнөдө 11-орунда турганын айтты.

“Биз бул темпти улантып, аны жашыл сутек менен колдообуз керек,” – деди.

Гүнай ошондой эле Түркиянын күн жана шамал энергиясын алуу мүмкүнчүлүгү көптөгөн Европа өлкөлөрүнөн жогору экенин билдирди.

Юсуф Гүнай: “Учурда өндүрүлгөн электр энергиясынын 40 пайызы кайра жаралуучу булактардан алынат. Биздин максат 2035-жылга чейин 120 миң мегаватт орнотулган кубаттуулукка жетишүү. Бул үчүн болжол менен 80 миллиард долларлык инвестиция керек. Бул ишке ашканда экономикабызга абдан күчтүү салым кошот”,-деди.