Түрк Мамлекеттери Уюмуна (ТМУ) мүчө мамлекеттердин ички иштер министрлеринин 3-жолугушуусуна катышуу үчүн Казакстанга барган Түркиянын ички иштер министри Мустафа Чифтчи борбор шаар Астанага болгон сапарынан кийин Түркстан шаарына барды.
Сапарынын жүрүшүндө министр Чифтчи Кожа Ахмед Ясавунун күмбөзүнө жана Ахмед Ясаву университетине барды ошол эле учурда Казакстандын ички иштер министри Ержан Саденов менен жолугушту.
Жолугушууда эки өлкөнүн укук коргоо органдарынын ортосундагы кызматташтыкты жакшыртуу маселелери талкууланды. Талкууланган темалардын арасында трансулуттук кылмыштарга жана киберкылмыштарга каршы күрөшүү, издөө операциялары, миграция коопсуздугу, кадрларды даярдоо жана тиешелүү бөлүмдөрдүн ортосундагы түз кызматташуу болду.
Жолугушуудан кийин министрлер Казакстан менен Түркиянын ортосундагы кайра кабыл алуу келишимине кол коюшту.
Министр Саденов сөзүндө Казакстан менен Түркияны бир туугандык мамилелер жана жогорку деңгээлдеги өз ара ишенимдин байланыштырып турганын, бул эки өлкөнүн мекемелеринин ортосундагы конкреттүү кызматташтыкта чагылдырылганын билдирди.
Тараптар мекемелердин ортосунда түз байланышты өнүктүрүүгө, тажрыйба алмашууну көбөйтүүгө жана алдыдагы мезгилде коопсуздуктун актуалдуу маселелери боюнча биргелешкен ишти күчөтүү боюнча макулдашышты. Кайра кабыл алуу келишими эки өлкөнүн миграция тармагындагы кызматташуусунун укуктук базасын бекемдөөгө жана эки өлкөнүн тең аймагында болууга юридикалык негизи жок адамдарды кайтарып берүү жол-жоболорун аныктоого багытталган.
