Датчанын түштүк-батыш жээгинде кыйраган Осмон империясынын «Кызлан» кемесинин казуу иштери жүрүп жаткан учурда Осмон империясына таандык маанилүү буюмдар табылды. Бул табылгалар кеме чөккөн мезгилге жна деңизчилик тарыхына байланыштуу маанилүү маалыматтарды берүүдө.
Маданият жана туризм министрлигинен берилген маалыматка караганда казуулар Докуз Ейлүл университетинин Суу астындагы изилдөөлөр борбору (SUDEMER) тарабынан Көгүлтүр мурас долбоорунун негизинде жүргүзүлүүдө.
Быйылкы казуулардан кеменин күбөлүгү жана чөккөн мезгилине байланыштуу абдан маанилүү табылгалар алынды. Казууларда янычарларга таандык 14 мылтык, 2500гө жакын коргошун ок жана жарылган замбирек октору табылды. Бул абал кеменин бир согушка катышкандыгын көрсөтүүдө.
Өзгөчө Кытайда ислам базарлары үчүн өндүрүлгөндүгү болжолдолгон көк түстөгү фарфор идиштер, кеменин атайын бир миссияны же дипломатиялык миссияда болушу мүмкүн экендигин да ойлондурууда. Фарфорлордун таңгак түрүндө табылышы алардын белек экендигин билдирүүдө.
Экипаж жана аскерлерге таандык экендиги болжолдолгон жеке буюмдар да чыгарылды. Булардын арасында түтүктөр, жыгач тарактар, жез идиштер, кермикадан жасалган суу идиштери, банкалар орун алууда. Тунистин Жербе аймагына таандык керамикалардын болушу кеменин Түндүк Африкадан келиши мүмкүн экендигин ойлондурууда.
«Кызлан» кемеси түрк сууларында Янычар аскерлерин ташыган Осмон империясынын кемесинин калдыктарынын биринчи жолу табылышы жактан тарыхый мааниге ээ болууда.
Бардык калдыктар кеменин 17 - кылымдын экинчи жарымында бир согуштан кийин чөккөндүгүн көрсөтүүдө.
Казуулардын 2025 - жылга чейин бүткөрүлүшү пландалууда жана бул табылгалардын Осмон империясында деңизчилик тарыхы тууралуу жаңы маалыматтарды берери күтүлүүдө.
