Израиль дүйшөмбү күнү Газанын мыйзамсыз блокадасына каршылык көрсөткөн жардам флотилиясына катышкан 171 эл аралык активистти депортациялады.
Израилдин Тышкы иштер министрлигинен берилгенбилдирүүдө швециялык активист Грета Тунберг да болгон Глобалдык Сумуд флотилиясынын 171 активистин Греция менен Словакияга депортацияланганын жарыялады.
Министрликтин билдирүүсүндө, депортациялангандар Греция, Италия, Франция, Ирландия, Швеция, Польша, Германия, Болгария, Литва, Австрия, Люксембург, Финляндия, Дания, Словакия, Швейцария, Норвегия, Улуу Британия, Сербия жана АКШнын жарандары экендигин билдирди.
Британиянын The Guardian гезитинин жазганына караганда, Грета Тунберг швециялык жетекчилерге курт - кумурскага толгон камерада кармалганын, з көлөмдө тамак-аш жана суу берилгенин айтты.
Андан тышкары түрк активисти Эрсин Челик Анадолу агенттигине Израилдин аскерлеринин Гретаны оор кыйноого алганын жана Израиль желегин өбүүгө мажбурлаганын айтты.
Мыйзамсыз блокадага каршы чыгуу
Израиль өткөн күндөрдө 170ке жакын флотилия активисттерин депортациялады, алардын көбү Стамбулга, ал эми майда топтор Италия менен Испанияга жөнөтүлдү. Бул маалыматты Израилдин Адалах юридикалык борбору билдирди.
Израилдин деңиз күчтөрү шаршембиге караган түнү Глобалдык Сумуд флотилиясына таандык кемелерге чабуул жасап, 50дөн ашуун өлкөдөн 470тен ашуун активистти камакка алгын.
Флотилия Газага гуманитардык жардам жеткирүү жана Израилдин аймакты блокадага алуусуна каршы чыгууну максат кылган.
Израиль дээрлик 18 жылдан бери болжол менен 2,4 миллион адам жашаган Газаны блокадада кармоону улантууда.
2023-жылдын октябрь айынан бери Израилдин бомбалоолору көбү аялдар менен балдар болгон 67 миң 200дөн ашуун палестиналыкты өлтүрүп, аймакты жашоого жараксыз абалга алып келди. Блокада Газаны ачарчылыкка дуушар кылды.
