Венгрия парламенти өлкөнүн Эл аралык кылмыш сотунан (ЭКС) бир жылга чыгуу процессин баштоочу мыйзам долбоорун жактырды. Премьер-министр Виктор Орбан жетектеген өкмөт Эл аралык кылмыш сотун "саясий" бир мекемеге айлангандыгын белгиледи.

Орбандын өкмөтү Эл аралык кылмыш соту чыгарган камоо ордерине карабастан Израилдин премьер - министри Беньямин Нетаньяхунун Венгрияга болгон сейрек чет элдик сапарынан кийин 3 - апрелде соттон чыгуу чечимин жарыялады.

Эл аралык кылмыш сотунун Тарап мамлекеттердин парламент төрагалыгы бул кадам тууралуу тынчсыздануусун билдирди.

Эл аралык кылмыш соту 20 жылдан ашуун убакыт мурун согуш кылмыштары, адамзатка каршы кылмыштар жана геноцид үчүн айыпталган адамдарды жоопко тартуу максатында түзүлгөн. Бирок Орбан өткөн айда жасаган билдирүүсүндө Эл аралык кылмыш сотунун эми “тарапсыз сот, укук мамлекети соту эмес, саясий сот” болгонун айтты.

Венгрия Израилдин премьер-министрин камакка алуу идеясын четке кагып камоо чечимин “тайманбастык” деп мүнөздөдү.

Нетаньяхуну камакка алуу чечими бир бурулуш жери

Эл аралык кылмыш сотунун негиздөөчүлөрүнүн бири болгон Венгрия соттун негиздөөчү документин 2001-жылы ратификациялаган, бирок бул мыйзам али күчүнө кире элек.

Эл аралык кылмыш сотунан чыгуу боюнча мыйзам долбоору шейшемби күнү 134 депутаттын колдоосу менен кабыл алынды, 37 депутат каршы добуш берди.

Вице-премьер-министр Жолт Семьен парламентке сунуштаган мыйзам долбоорунда: "Венгрия эл аралык уюмдардын - айрыкча кылмыш сотторунун саясий таасирдин куралы катары колдонууга каршы", – деп жазылган.

Нетаньяху Венгриянын Эл аралык кылмыш сотунан чыгуу чечимин "тайманбас жана принципиалдуу кадам" деп мүнөздөдү.

Израилдин премьер-министри Газадагы согуш кылмыштары боюнча айыптоолорунан улам Эл аралык кылмыштар соту тарабынан камакка алуу чечими менен бетме - бет келип турат. Нетаньяху бул айыптоолорду четке кагууда.

Бир өлкөнүн Эл аралык кылмыш сотунан чыгышы Бириккен Улуттар Уюмунун башкы катчысына жазуу түрүндө билдиргенден бир жылдан кийин күчүнө кирет.