Иранда февраль айында АКШ менен Израилдин биргелешкен аба соккусунан каза болгон диний лидер Аятолла Али Хаменеини акыркы сапарга узатуу боюнча расмий жаназа зыйнаты башталды. Мамлекеттик телекөрсөтүү миңдеген адам катышкан жаназа зыйнаты Тегеран бийлиги тарабынан, айрыкча АКШ жана Израиль сыяктуу душмандарга каршы күч көрсөтүү катары пландалганын билдирди. 28-февралда башталган АКШ-Израиль-Иран согушунун биринчи күнүндө 86 жашында өлтүрүлгөн Хаменеини жана айрым үй-бүлө мүчөлөрүн эскерүү үчүн өлкө боюнча алты күндүк жаназа зыйнаты пландаштырылууда. Ирандын расмий өкүлдөрү өлкөнү 35 жыл башкарган Хаменеини эскерүү үчүн кийинки үч күндүн ичинде Тегеранда өтүүчү жаназа зыйнатына 15 миллиондон 20 миллионго чейин адам катышаары күтүлүп жатканын билдиришти.
“Өч алуу” ураандары
Тегерандагы Улуу Мусалла мечитинин комплексине чогулган миңдеген адамдар өч алуунун символу болгон кызыл тууларды көтөрүп, Хаменеинин сөөгүнүн алып келинишин күтүп жатып аянтта “өч алуу” ураандарын жаадырышты.
Үч шаарда жаназа зыйнаты ткөрүлөт
Хаменеинин сөөгү дүйшөмбү күнгө чейин Тегеранда болот жана андан кийин жүрүш өткөрүлөт. Шейшемби күнү Кум шаарына алып барыла турган сөөк андан кийин шаршемби күнү коңшу Ирактагы шиит ыйык шаарларына алып барылгандан кийин бейшемби күнү Хаменеинин кичи мекени Мешхедге коюлат.
Жаназа зыйнатына катышкан эл аралык коноктордун арасында Иран менен АКШнын ортосунда ортомчулук кылып жаткан Пакистандын премьер-министри Шахбаз Шариф жана Россиянын президенти Владимир Путиндин өкүлү катары катышкан Россиянын Коопсуздук кеңешинин төрагасынын орун басары Дмитрий Медведев бар. Жаназа зыйнатына Хамас, Хизбулла жана Афганистандагы Талибан өкмөтү да катышууда.
Аймакта убактылуу ок атышууну токтотуу өкүм сүрүүдө
Беш жумага созулган кагылышуулардан кийин Жакынкы Чыгыштагы кагылышуу Пакистандын ортомчулугунда Иран жана АКШнын ортосунда түзүлгөн биринчи келишимден кийин токтоду бирок ирандык жетекчилер эгерде муктаждык боло турган болсо Тегерандын кайрадан кагылышууларды баштоого даяр экендигин эскертишти.
