Түркиянын Тышкы иштер министрлигинен алынган маалыматка караганда, Түркия Үч деңиз демилгесинин (3SI) алкагында стратегиялык өнөктөш болду.

Үч деңиз демилгеси Адриатика, Балтика жана Кара деңиздердин ортосунда жайгашкан өлкөлөрдүн мамлекет башчыларын бириктирүү аркылуу кызматташтыкты өнүктүрүүгө багытталган. Демилгенин максаты - Борбордук Европа өлкөлөрүнүн ортосунда инфраструктураны, энергетикалык жана экономикалык кызматташтыкты өнүктүрүп Евробиримдиктин биримдигин чыңдоо.

Польшанын борбор шаары Варшавада дүйшөмбү жана шейшемби күндөрү өткөрүлгөн 10-саммитте мүчө мамлекеттер Түркиянын стратегиялык өнөктөштүк арызын бекитишти.

Демилгенин алкагында ар кандай статуска кайрылуулар, катышуучу мүчөлөрдүн бир добуштан добушу менен гана кабыл алынат.

Түркия мындан мурда 2024-жылдын 11-апрелинде Вильнюста өткөрүлгөн 9-Үч деңиз саммитине Улуу Британия, Финляндия, Черногория, Испания жана Израиль менен бирге атайын конок катары катышкан.

Демилге үч деңгээлдеги катышуучулардан турат: Катышуучу мүчөлөр, Австрия, Болгария, Хорватия, Чехия, Эстония, Греция, Венгрия, Латвия, Литва, Польша, Румыния, Словакия жана Словения сыяктуу ЕБге мүчө мамлекеттер менен гана чектелген; Каржылык колдоо көрсөтүүсү күтүлгөн стратегиялык өнөктөштөр Еврокомиссия, АКШ, Германия, Япония жана Түркия; ошондой эле, Украина жана Молдова сыяктуу өлкөлөр үчүн түзүлгөн "ассоциацияланган мүчөлүк" категориясы.

Демилгенин алкагында Түркия экономикалык өсүш, жаңы инфраструктуралык инвестициялар жана энергетикалык коопсуздук боюнча өзүнүн артыкчылыктарын белгилейт.

Бул контекстте платформанын негизги күн тартибине Украинаны калыбына келтирүү жана инфраструктураны жакшыртуу маселелери кирет.