Эрдоган: "Эл аралык система Экинчи дүйнөлүк cогуштан кийин легитимдүүлүк кризистен өтүп жатат"
Президент Режеп Таййип Эрдоган Экинчи дүйнөлүк согуштан кийин калыптанган эл аралык системанын дээрлик бардык тармактарда кадыр-баркын жоготконун белгилеп, тынчтыкка, туруктуулукка жана адилеттүүлүккө кайрадан көңүл бурууга чакырды.
Түркия Республикасынын Президенти Режеп Таййип Эрдоган жума күнү Экинчи дүйнөлүк согуштан кийин жеңүүчүлөр тарабынан курулган эл аралык система дээрлик бардык тармакта чоң легитимдүүлүк кризисине кабылганын билдирди.
Президент Режеп Таййип Эрдоган Түркия Республикасынын Президенттигинин коммуникация башкармалыгы Стамбулда уюштурулган Эл аралык стратегиялык байланыш саммитине (Stratcom Summit ‘26) жөнөтүлгөн видео кайрылуусунда : «Экинчи дүйнөлүк согуштан кийин жеңүүчүлөр тарабынан түзүлгөн эл аралык система дээрлик бардык тармактарда чоң легитимдүүлүк кризисине кабылууда. Системанын негизин түзгөн институттар, эрежелер жана баалуулуктар күн сайын өз функциясын жоготуп жатат», - деди.
Эрдоган өз кайрылуусунда төмөнкүлөрдү белгиледи: "Энергетика, технология жана соода сыяктуу ар кандай тармактарга жайылган күч атаандаштыгы; маселелерди диалог аркылуу эмес, курал менен чечүүгө аракет кылынган; геноциддер, согуштар жана кризистер барган сайын күчөп жаткан оор мезгилди өткөрүүдөбүз. Газадагыдай трагедияларды токтотуу жана аймакта жана жалпы дүйнөдө тынчтыкты, туруктуулукту жана жыргалчылыкты калыбына келтирүү азыр мурдагыдан да маанилүү".
Президент чындыкты бурмалоо максатында ойлоп табылган жаңы жана жалган маалыматтарды алдын алуу үчүн байланыш жана кызматташуу механизмдерин мындан ары да күчөтүү зарылдыгын белгилеп, мамлекеттер жана өкмөттөр менен катар окумуштуулардан баштап жарандык коом жана аналитикалык борборлорго чейин, эл аралык актерлор көбүрөөк демилге көтөрүп, активдүү болууга чакырды.
Эрдоган өз билдирүүсүндө: «Түркия катары биз гуманитардык баалуулуктарга жана адилеттүүлүккө негизделген принципиалдуу, чечкиндүү жана тынчтыкка багытталган позициябызды чечкиндүү түрдө улантабыз; аймагыбызда гана эмес, бүткүл дүйнөдө тынчтыкты жана коопсуздукту калыбына келтирүү үчүн бардык ресурстарыбызды мобилизациялайбыз», - деди.