Берлин шейшемби күнү, Кытай армиясы Евробиримдиктин Кызыл деңиздеги деңиз кыймылын коргоо миссиясына катышкан немис учагын лазер менен бутага алганын кабарлады.
Германиянын Тышкы иштер министрлигинин X платформасындагы билдирүүдө: "Германиялык кызматкерлерди коркунучка салуу жана операцияны үзгүлтүккө учуратуу таптакыр кабыл алынгыс" деп айтылды. Ошондой эле Пекиндин Берлиндеги элчисинин да сүйлөшүүгө чакыртылганын жарыялады.
Германиянын Коргоо министрлигинин басма сөз катчысы, немец учагы Евробиримдиктин Кызыл деңиздеги Аспидес миссиясына катышып жаткан маалда "эч кандай себепсиз же алдын ала билдирүүсүз" бутага алынганын айтты.
Министрлик Кытай кемеси “немис кызматкерлеринин жана жабдууларынын коопсуздугуна коркунуч жаратуу тобокелчилигине барганын” баса белгиледи.
Бул окуядан кийин немис учагы миссиясын токтотуп, Жибутидеги базага кайтып барганын министрликтин өкүлү билдирди.
Лазердин курал же лазердик багыттоо системасы экени азырынча так эмес.
