Түркия Республикасынын Тышкы иштер министрлигинин булактарынан алынган маалыматка караганда тышкы иштер министри Хакан Фидан Палестинанын каршылык көрсөтүү тобунун Кеңешме кеңешинин төрагасы Мухаммед Дервиш башчылык кылган Хамас делегациясы менен Анкарада жолугушту.
Шаршемби күнү өткөн жолугушууда ок атышпоо сүйлөшүүлөрүндөгү акыркы абал жана Газадагы гуманитардык кырдаал талкууланды.
Фидан Түркиянын негизги максаты Газадагы кыргынды токтотуу жана гуманитардык жардамды мүмкүн болушунча тез жеткирүү экенин айтты.
Министр Фидан аймактагы акыркы чыңалуулардын Газадагы геноциддин унутулушуна жол бербей турганын баса белгиледи.
Фидан ошондой эле Палестинанын Газа, Батыш Шериа жана Чыгыш Кудстан турган бир бүтүн экенин айтып, Түркия Палестина эркиндикке жеткенге чейин Палестина маселесин күчтүү түрдө жактоону жана колдоону уланта турганын билдирди.
