Сомалиликтер Түркиянын өлкөсүнө көрсөткөн колдоосу үчүн ыраазычылык билдирүү максатында митингдерди уюштурушту.

Сомалинин Премьер-министрлигинин коммуникация жана коомчулук менен байланыш боюнча директорунун орун басары Насра Башир Али митингдин көрүнүштөрүн расмий Facebook баракчасында бөлүштү.

Али өз билдирүүсүндө: «Түркия Республикасы Сомалинин жанында туруп, өлкөгө колдоо көрсөткөнү үчүн ар кайсы жерлерде ыраазычылык митингдери өткөрүлүүдө. Рахмат Түркия» деп жазды.

Жарыяланган кадрларда катышуучулардын, анын ичинде көп сандаган аялдардын трибуналарды толтурганын жана Түркия менен Сомалинин желектерин көтөрүп турганын көрүүгө болот.

Митингге катышкан адамдар чоң түрк желегин ачып, Түркиянын Сомалиге көрсөткөн колдоосу үчүн ыраазычылыктарын билдиришти.