НАТОнун тышкы иштер министрлери 14-15-майда Анталияда Түркиянын тышкы иштер министри Хакан Фидандын кожоюндугунда боло турган расмий эмес жыйынга (НАТО iFMM) чогулушат.
Дипломатиялык булактардан алынган маалыматка караганда, НАТОго мүчө 32 өлкөнүн өкүлдөрүнүн катышуусу күтүлүп жаткан жыйын 24-25-июнь күндөрү Гаагада боло турган НАТО лидерлеринин саммитинин алдында кошумча консультацияларды өткөрүүгө мүмкүнчүлүк түзөт.
14-май күнү кечинде тышкы иштер министрлери, НАТОнун баш катчысы Марк Рютте жана башка жогорку кызмат адамдары Фидан уюштурган коомдук иш-чарага катышат.
15-майда эртең менен Түндүк Атлантика кеңешинин бейформал сессиясы өтүп, анда тышкы иштер министрлери НАТОнун алдыдагы саммитинде кабыл алынышы мүмкүн болгон артыкчылыктуу маселелер жана мүмкүн болуучу чечимдер боюнча пикир алмашат.
Альянстын ичинде жүктөрдү бөлүштүрүүнү кайра уюштуруу жана европалык коопсуздуктун келечегин калыптандыруу чечиле турган негизги маселелердин бири болот.
Фидан НАТОнун биримдигин жана сестентүү дараметин чыңдоонун маанилүүлүгүн баса белгилеп, анын Евро-Атлантикалык коопсуздуктагы негиздөөчү ролунун эрозиясына каршы эскертет деп күтүлүүдө.
Терроризмге каршы күрөштө тилектештик керек
Фидан Түркиянын коргонуу инвестицияларын жана альянска кошкон салымын дагы да арттырууга чечкиндүүлүгүн баса белгилеп, коргонуу чыгымдарынын НАТОнун ИДПсынын 2 пайыздык максатынан мурдатан ашканын белгилейт.
Түркиянын тышкы иштер министринин коргонуу өнөр жай кызматташтыгындагы бардык тоскоолдуктарды жоюуга чакырышы жана терроризмге каршы күрөштө чыныгы тилектештиктин зарылдыгына басым жасоосу күтүлүүдө. Мындан тышкары, Фидан Түркиянын коңшу аймактарда жана Жакынкы Чыгышта тынчтык жана ырааттуулук үчүн колдоосун дагы бир жолу кайталайт.
Жыйналыш убагында Фидандын кесиптештери менен бир катар эки тараптуу жолугушуулары да пландалууда.
НАТОнун 70 жылдан ашуун мүчөсү болгон Түркия альянстын коргонуу тармагында негизги ролду ойнойт.
Түркияда НАТОнун кургактагы командачылыгы (LANDCOM) жана НАТОнун Ыкчам жайгаштырылуучу корпусунун Стамбулдагы штаб-квартирасы жайгашкан.
НАТОнун командачылык жана күч түзүмүнө эң көп салым кошкон өлкөлөрдүн арасында орун алган Түркия, НАТОнун миссияларына жана операцияларына да үзгүлтүксүз колдоо көрсөтүүдө.
