АКШ президенти Дональд Трамп ишемби күнү АКШнын Иранда «кеңири масштабдуу согуштук операцияларды» баштаганын айтып, АКШнын жоготуулары болушу мүмкүн экенин эскертти.

Трамп чабуулдардын Ирандын ракеталык потенциалын жана деңиз флотун жок кылууга багытталганын белгиледи. Чабуулдар АКШ менен Израилдин Иран өзөктүк жана баллистикалык ракета программаларын уланта берсе, кайрадан соккуга кабылаары тууралуу эскертүүлөрүнөн кийин болду.

Трамп Truth Socialда бөлүшкөн видеодо: “Айткандарымды туура түшүнүп, олуттуу кабыл алгыла. Иран режими адамдарды өлтүрүүнү каалап жатат”,- деди.

Трамп : “Эр жүрөк Америка баатырлары каза болушу мүмкүн жана дайыма согушта болгондой эле жоготууларга учурашыбыз мүмкүн. Бирок биз муну бүгүнкү күн үчүн жасап жаткан жокпуз. Биз муну келечек үчүн жасап жатабыз жана бул негизги миссия»,- деди.

Трамп Ирандын куралдуу күчтөрү менен Ислам Төңкөрүш Гврадиясын куралдарын таштоого чакырып, багынып бергендерге кол тийбестик берилерин айтты.

Трамптын айтымында, экинчи вариант — бул «анык өлүм».

Вашингтон менен Тегеран акыркы жумаларда Ирандын өзөктүк максаттары боюнча бир катар сүйлөшүүлөрдү өткөрүштү.

Тараптардын ортосундагы акыркы сүйлөшүү бейшемби күнү болуп, бирок эч кандай келишим түзүлгөн эмес.

Трамп: «Иран ондогон жылдан бери жасап келгендей эле, бул жолу да баш тартты. Өзөктүк максаттарынан баш тартуу боюнча бардык мүмкүнчүлүктөрдү четке какты жана биз мындан ары буга чыдай албайбыз», — деп баса белгиледи.