Израилдин Иранга карата кол салуулары жана Тегерандын да жооп иретинде кол салууларынан кийин Израиль менен Ирандын ортосундагы кагылышуулар күчөп АКШ жарандарын Израиль, Ирак жана Иранга барбоо боюнча эскертти.

Тышкы иштер министринин орун басары Тэмми Брюс шейшемби күнү өткөргөн пресс - жыйынында : “АКШ жарандарын Израиль же Иракка саякатка барбоолорун жана эч кандай шартта Иранга барбоолорун эске салабыз”,- деди.

Билдирүү Израилдин Иранга карата кол салууларынын алтынчы күнүнө кирген жана эки тараптын тең ушул күнгө чейинки эң катуу кагылышуулары болгон мезгилге туш келди.

Брюс АКШнын аймактагы жарандарына жана дипломатиялык кызматкерлерине колдоо көрсөтүү үчүн 24 саат бою иштеген Жакынкы Чыгыш оперативдүү тобун түзгөнүн жарыялады.

Анын айтымында, бул топ 30дан ашуун коопсуздук эскертүүлөрүн чыгарып, бир нече өлкөгө саякат боюнча кеңештерди жаңырткан.

“Мамлекеттик департамент Жакынкы Чыгыштагы атайын топту түзүп, АКШ жарандарына, дипломатиялык миссияларга жана кызматкерлерге колдоо көрсөтүүнү координациялоо үчүн иш алып барууда”, – деди.

АКШнын Иранда элчилиги жок, ал эми Ирактагы элчилигинде кызматкерлер кыскартылды жана Иракта да, Израилде да милдеттүү эмес кызматкерлер жана алардын үй-бүлөлөрүнүн кетүүсүнө уруксат берилди.

Брюс АКШ жарандарынын эвакуациясы боюнча даярдыктар жүрүп жатабы деген суроого так жооп берген жок. Бирок анын билдирүүсү Вашингтондун бул кагылышууга аралашабы деген божомол күчөгөн учурда келди.

Израиль жума күнү Иранга ири аба соккуларын жасап, 220дан ашуун адам каза болуп, 1400дөн ашууну жаракат алды. Иран жооп кайтаруу чабуулдарын жасап, кагылышуу күн сайын уланууда.

Бул чыңалуу аймактык согуштун кеңейүү коркунучун күчөтүп, эл аралык тынчсызданууларды жаратты.