Сириянын расмий маалымат агенттиги SANA жана Азербайжандын мамлекеттик маалымат агенттиги AZERTAC Сириянын президенти Ахмед Шараанын быйыл жыл башында кызматка киришкенден бери Азербайжанга биринчи расмий сапары менен ишемби күнү Бакуга келгенин жарыялады.
Эки агенттик тең сапардын мөөнөтү же күн тартибиндеги темалар тууралуу маалымат беришкен жок. Бирок бул сапар аль-Шараанын 29-январда кызматка дайындалгандан кийин башталган дипломатиялык сапарынын бири катары көңүлдөрдү бурууда.
Шараа кызматка киришкенден бери Түркия, Франция, Египет, Иордания, Сауд Арабиясы, Катар, Бахрейн, Бириккен Араб Эмираттары жана Кувейтке сапар жасады.
Январь айында Башар Асад режиминин кулашынан кийин Сирияда Шараа башкарган өткөөл өкмөт түзүлдү. 25 жыл Сирияны башкарган Асад декабрь айында Россияга качып Баас партиясынын 1963 - жылы баштаган жана ондогон жылга созулган бийлигин акырына чыгарды.
