Эл аралык Эмгек Уюмунун отчетуна ылайык, аялдардын ролдорунун 9,6 пайызы жасалма интеллект аркылуу кайра калыптанат, ал эми эркектердин ролунун 3,5 пайызы таасир этээри аныкталган. 

Бириккен Улуттар Уюмуна караштуу Эл аралык Эмгек Уюму тарабынан жарыяланган отчетто аялдардын адаттагыдай эле жасаган жумуштары, айрыкча кирешеси жогору өлкөлөрдө эркектер жасаган жумуштарга караганда жасалма интеллекттин таасирине кабылуу тобокелдиги жогору экени айтылат.

Отчетто ЖИ барган сайын административдик милдеттерди өз мойнуна алып, иш кагаздарын жүргүзүүнү өзгөрткөн сайын салттуу аялдардын 9,6 пайызы өзгөрөт, ал эми эркектердин жумушунун 3,5 пайызына гана таасир этээри баса белгиленген.

Ошондой эле отчетто көптөгөн милдеттерди аткаруу үчүн дагы эле адамдын кийлигишүүсү талап кылына турганы жана жумуш ордун жок кылуунун ордуна түп-тамырынан бери өзгөртө турганы белгиленген.

Медиа, программалык камсыздоо жана финансы менен байланышкан бизнесте,Генеративдик жасалма интеллект билим алуу мүмкүнчүлүктөрүн кеңейтип, өзгөрүүлөрдүн башында турганы айтылды.

«Мындай экспозиция сөзсүз түрдө кесип толугу менен автоматташтырылат дегенди билдирбейт; тескерисинче, бул учурдагы милдеттердин чоң бөлүгүн ушул технология менен аткаруу мүмкүнчүлүгүн билдирет», - деп айтылат отчетто. 

Өкмөттөрдү, иш берүүчүлөрдү жана жумушчулардын уюмдарын эмгектин өндүрүмдүүлүгүн жогорулатуу жана иштин сапатын жакшыртуу үчүн жасалма интеллектти кандайча колдонуу керектиги жөнүндө ойлонууга чакырылган.