Америкалык эки жогорку мартабалуу жетекчи АКШнын Газанын туруктуулугу үчүн түзүлгөн биргелешкен атайын топтун бир бөлүгү катары 200 аскерин жайгаштырарын, бирок Газада америкалык аскерлердин болбой турганын билирди.
Бейшемби күнү журналисттер менен анонимдүү сүйлөшкөн жетекчилер бул 200 кишинин топтун өзөгүн түзөрүн жана командага Египет, Катар, Түркия жана ыктымалдуу түрдө Бириккен Араб Эмирликтеринин өкүлдөрүн да камтый турганын белгилешти.
Өзгөчө АКШ аскерлеринин жайгашуу жеринин азырынча так аныктала электигин, бирок биргелешкен башкаруу борбору түзүлөөрүн, мүмкүн болгон кагылышуулардын алдын алуу үчүн Газада аракеттенген башка коопсуздук күчтөрүнүн Израиль күчтөрү менен координациялуу иштей тургандай интеграцияланарын айтышты жана "эч бир Америка аскеринин Газага кириши пландалбагандыгын" билдиришти.
Америкалык жетекчилер келишимдин күчүнө кириши аймактагы чыңалууну басаңдатып, Израиль менен араб өлкөлөрүнүн ортосунда жаңы нормалдаштыруу келишимдерине жол ачат деген үмүтүн баса белгилешти.
Эскерте кетсек АКШнын президенти Дональд Трамп биринчи мөөнөтүндө Израиль менен Бахрейн, Бириккен Араб Эмирликтери, Марокко жана Судандын ортосунда кол коюлган Ибрахим келишиминин архитектору болгон.
