Израилдин канкор геноцидчиси Биньямин Нетаньяху бул айдын аягында АКШ президенти Дональд Трамп менен жолугушарын жана Трамптын Газага багытталган планынын экинчи баскычы жакында экенин айтты.
Ал жекшембиде Германия канцлери Фридрих Мерц менен биргелешкен маалымат жыйында бул жолугушууда тынчтык үчүн мүмкүн болгон варианттар жана палестиналык каршылык көрсөтүү уюму Хамастын тилкедеги башкаруусуна чек коюу маселелери караларын билдирди.
Палестина тилкесиндеги эки жылга созулган согушту токтотууга багытталган Трамптын планынын кийинки баскычтары боюнча сүйлөшүүлөр уланууда.
Пландын ичинде ошондой эле израилдик туткундар бошотулушу жана Газада эл аралык «Тынчтык кеңеши» тарабынан көзөмөлдөнгөн, эл аралык коопсуздук күчтөрү колдогон убактылуу технократиялык Палестина өкмөтүн түзүү да каралган.
«Айдын аягында экинчи баскычтын ишке ашышын кантип камсыз кылуу боюнча өтө маанилүү сүйлөшүүлөр болот» — деди Нетаньяху.
Ал ошондой эле Трамптын планындагы биринчи баскыч аяктаар алдында экенин билдирди.
10-октябрда Газадагы ок атышууну токтотуу келишими күчүнө киргенден бери Израиль тараптан жасалган зулумдуктар басаңдады, бирок толугу менен токтогон жок.
Токтотуу киргенден бери Хамас бардык 20 тирүү туткунду жана 27 сөөктү болжол менен 2000ге жакын палестин кармалгандар жана камактагылар менен алмаштырган. Бир туткунун сөөгү болсо дагы Газада калган.
Хамас жакында эле Газадагы курал-жарагын аймакты башкарган палестин бийлигине өткөрүп берүүгө даяр экенин, бирок бул үчүн Израиль аскерлеринин оккупациясы токтошу керектигин билдирген.
