Германиянын Палестинаны жактаган активдүүлүгүнө карата кысымдарга карабастан Берлинде миңдеген киши ок атышпоо келишиминен кийин «Жеңиш жүрүшүнө» чыгышты.

Мухаммед Абу Хамдан тарткан бир фотографияда жаш бир кыз Газадагы Нусейрат качкындар лагеринин кыйрандыларынын арасында  нан бышыруу үчүн камыр жууруп отурат.

PALI Think Hub тарабынан уюштурулагн көргөзмө Европанын бир топ жеринде уюштурулду жана Газадагы гуманитардык кризиске көңүлдөрдү бурду. Көргөзмөнүн максаты адамдардын Газадагы чындыктарды сезүүсүнө жана байланыш түзүүсүнө мүмкүнчүлүк түзүү.

PALI Think Hub негиздөөчүсү Эмма Ло Анна Франктын чыгармаларынын Газадагы кыйынчылыктарды чагылдыргандыгын жана Франк тирүү болгондо Газадагы геноцид тууралуу жазарын белгиледи. Ло батыштын Палестина тууралуу эки жүздүүлүгүн сынга алып, адам укуктарын тандоо менен колдонуунун ишенимге доо кетирээрин баса белгиледи.

Ло өзгөчө АКШнын Израилге  көрсөткөн аскердик колдоосун сынга алып, өкмөттөрдүн  зомбулукту колдоону токтотуусу керектигин жактады.

Израилдин Палестинадагы аракеттеринин глобалдык бир маселе экендигине көңүлдөрдү бурган Ло баарынын жоопкерчилиги бар экендигин айтты. Палестинага колдоо көрсөткөн активисттер искусство жана коргоочулук жолу менен батыштын тандоо менен кылган аракетине каршы чыгып, эл аралык коомчулукту чара көрүүгө чакырышууда.