Президенттиктин Коммуникация башкармалыгынын социалдык медиа баракчасындагы билдирүүгө ылайык, сүйлөшүүдө Түркия менен АКШнын эки тараптуу мамилелери, ошондой эле аймактык жана глобалдык маселелер талкууланды.
Президент Эрдоган сүйлөшүү учурунда аймактагы жаңжал процессинде ок атышууну токтотууну узартуу чечимин оң жылыш катары эсептегенин, талаштуу маселелерде акылга сыярлык чечимдин мүмкүн экенине ишенгенин жана конструктивдүү демилгелерге колдоо көрсөтүүнү уланта берерин билдирди.
Сирияда туруктуулукту орнотуу бүткүл аймак үчүн маанилүү жетишкендик болгонун баса белгилеген президент Эрдоган Түркиянын Сирияга колдоосу үзгүлтүксүз улана берерин, ошондой эле Ливандагы кырдаалдын начарлашына жол бербөө керектигин айтты.
Президент Эрдоган НАТОнун Анкарадагы саммитине даярдыктар жүрүп жатканын жана саммиттин бардык жагынан ийгиликтүү өтүшүн камсыз кылуу максатында аракет кылып жатышканын маалымдады.
Президент Эрдоган ошондой эле АКШнын президенти Трампка мурунку күнү Сан-Диегодогу мечитке жасалган жийиркеничтүү кол салуудан улам көңүл айтып, кайсы диний топ бутага алынганына карабастан мындай жек көрүүчүлүк кылмыштарына Түркиянын каршы чыкканын билдирди.
