Финляндиянын премьер-министри депутаттардын көздөрүн кысып, кемсинткендей болуп түшкөн сүрөттөрүн бөлүшкөндөн кийин Япония, Кытай жана Түштүк Корея жарандарынан кечирим сурады.
Премьер-министр Петтери Орпо шаршемби күнү Финляндиянын Япониядагы, Кытайдагы жана Түштүк Кореядагы элчиликтеринин социалдык медиа аккаунттарына жарыяланган билдирүүлөрүндө: "Мен айрым депутаттардын акыркы социалдык медиадагы кемсинтүүчү посттору үчүн чын жүрөктөн кечирим сурайм",- деп билдирди.
Билдирүүдө: "Бул посттор Финляндиянын теңдик жана инклюзивдүүлүк баалуулуктарын чагылдырбайт,”- деп жазылып, "расизм менен басмырлоонун фин коомунда орду жок" экендиги кошумчаланды.
Оңчул коалициялык өкмөттүн курамына кирген, популисттик жана иммиграцияга каршы "Финндер" партиясынын депутаттары социалдык тармактарда көздөрүн кысып түшкөн сүрөттөрүн жарыялашты; бул жаңсоо көбүнчө Чыгыш Азиялык адамдарга багытталган расисттик кыймыл катары каралат.
Депутаттар бул сүрөттөрдү 2025-жылдагы «Мисс Финляндия» наамын жеңип алган, бирок ноябрда окшош сүрөтүн жарыялаганы үчүн өткөн аптада наамынан ажыратылган Сара Дзафцеге колдоо катары таратышканын билдиришти.
Депутаттардын ар кандай реакциясы
Финляндиялык телерадиокомпаниясы Yle Финляндиянын бир телекомпания фирмасынын Япониядагы биргелешкен долбоорлорун токтотконун, Финляндиянын Finnair авиакомпаниясы брендине терс таасир тийгенин билдирди.
Премьер-министрдин кеңсеси Orpo үч депутаттын жүрүм-туруму "Финляндиянын позициясын чагылдырбаганын" баса белгилегиси келгенин билдирди.
Парламент депутаттары Кайса Гаредев жана Юхо Ээрола, ошондой эле Европа парламентинин мүчөсү Себастьян Тынккюнен талкууга ар кандай реакция кылышты.
Ээрола кечирим сурады, ал эми Тынккинен бул жаңсоо эч кимдин көңүлүн оорутуу максатын көздөбөгөнүн айтты. Ал эми Гаредев жергиликтүү маалымат каражаттарына кечирим сурашы керек деп эсептебей турганын билдирди.
“Финнде”р партиясынын парламенттик фракциясынын жыйыны бейшемби күнү депутаттар үчүн мүмкүн болгон санкцияларды талкуулоо үчүн пландаштырылды.
2023-жылы бийликке келген Финляндия өкмөтү “Финдде”р партиясынын мүчөлөрүнүн провокациялык билдирүүлөрүнө байланыштуу бир нече чуулгандуу окуялардан улам солкулдады.
Август айында “Финддер” партиясынын дагы бир депутаты мигранттардын Финляндияны "чочкоканага" айландырып жатканын айткан.
