Ички иштер министрлиги Хамастын Израиль менен кызматташуу жана гуманитардык жардамдарды талап - тоноо менен айыпталган Газа бандасынын лидерине багынуу үчүн 10 күндүк убакыт бергендигин билдирди.
Билдирүүдө чечимдин шаршемби күнү “Төңкөрүш соту” тарабынан чыгарылгандыгы жана Хамас бийлигин четке каккан куралдуу бир бедуин бандасынын лидери Ясер Абу Шабабга карата экендиги белгиленди.
Абу Шабабдын азыркы учурда Израиль аскеринин көзөмөлү астындагы Газанын түштүгүндө Рефах аймагында экендиги болжолдолууда.
Сот палестиналыктарды Абу Шабабдын жайгашкан жерин Хамастын коопсуздук күчтөрүнө билдирүүгө чакырды.
Абу Шабабдын тобу багынып берүү буйругуна ачык жооп бере элек.
Хамас Абу Шабабды БУУнун жардам кербендерин талап-тоноо менен айыптап, аны Израилдин колдогондугун айтууда.
Булактардын билдиргенине караганда топ Абу Шабабды жок кылуу милдетин элиталык согушкерлерине берди.
Израиль Газада Хамаска каршы айрым бандаларды колдогондугун кабыл алса да кайсы топторду колдогондугун тактап айткан жок.
